19:08 / 5.08.2012Aksident në Kukës, humb jetën një kosovar

0 shares
0 komente
Aksident në Kukës, humb jetën një kosovar
Një 44 vjeçar nga Kosova humbi jetën në një aksident automobilistik në segmentin e autostradës Morin- Kukës.

Burime zyrtare të policisë lokale bënë të ditur sot se rreth orës 02.00 44 vjeçari Ali Ndrecaj, ndërsa udhëtonte me automjetin e tij, tip Rang Rover, me targë NE 340 L, është përplasur me një autobus që udhëtonte drejt Morinit me pasagjerë kosovarë. Për pasojë, drejtuesi i Rang Roverit ka gjetur vdekjen e menjëhershme, ndërsa udhëtarët e autobusit nuk kanë pësuar lëndime, transmeton BalkanWeb.

Sipas burimeve të policisë, shkaku i aksidentit është shpejtësia tej normave të lejuara të autoveturës.

Vetëm në muajin korrik, në segmentin e autostradës Morin- Kukës-Tuneli i Kalimashit, kanë humbur jetën 4 persona dhe ka pasur edhe disa të plagosur si rrjedhojë e aksidenteve ku janë përfshirë kryesisht drejtues mjetesh kosovarë. /Telegrafi/
 

Të fundit nga rubrika

Më Shumë

Lexues të nderuar të portalit Telegrafi. Në pamundësi për të menaxhuar vëllimin e madh të komenteve në platformën Disqus - mbi të gjitha për shkak të diskursit negativ të disa komentuesve që keqpërdorin të drejtën e komentimit duke devijuar dhe banalizuar debatin e mirëfilltë - menaxhmenti i Telegrafit ka marrë vendim që së shpejti të ndalojë komentimet nga platforma e deritashme Disqus. Ju njoftojmë se debati për tekstet përkatëse mund të vazhdojë me profilet reale, vetëm përmes sistemit të komentimit të ofruar nga rrjeti social Facebook. Ju falënderojmë për mirëkuptim.

n'fokus